ಸೋಷಿಯಲ್ ಮೀಡಿಯಾ ಹವಾ ಶುರುವಾಗಿ ಬೂಮ್ ಆದಾಗಿಂದ ಪ್ರತಿ ಊರು ಕೇರಿಯಲ್ಲಿ ಹತ್ತಾರು ಮಂದಿ ಕಿಲಾಡಿಗಳು ಹುಟ್ಟಿಕೊಂಡಿದ್ದಾರೆ. ಮಕ್ಕಳು, ಕಾಲೇಜು ಹುಡುಗರು, ಅಜ್ಜ-ಅಜ್ಜಿ, ಮದ್ಯಮ ವಯಸ್ಸಿನವರೂ ಸಹ ರೀಲ್ಸ್ನಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ಈ ರೀಲ್ಸ್ನಲ್ಲಿ ಹವಾ ಸೃಷ್ಟಿಸಿ ದೊಡ್ಡ ದೊಡ್ಡ ವೇದಿಕೆಯಲ್ಲಿ ಅವರಿಗೆ ಅವಕಾಶಗಳು ಸಿಗ್ತಿವೆ ಅನ್ನೋದು ಸತ್ಯ. ರೀಲ್ಸ್ ರಾಣಿ ಅಂತಾನೇ ಫೇಮಸ್ ಆಗಿರುವ ರೇಷ್ಮಾ ಅವರು ಇನ್ಮುಂದೆ ಕಿರುತೆರೆಯಲ್ಲಿ ಕಾಣಿಸಿಕೊಳ್ಳಲ್ಲಿದ್ದಾರೆ.
ರೀಲ್ಸ್ ಮೂಲಕ ತಮ್ಮ ಕಷ್ಟ ಸುಖ ಹೇಳಿಕೊಳ್ತಾ ಜನರ ಜೊತೆ ಕನೆಕ್ಟ್ ಆಗಿರೋ ರೇಷ್ಮಾ ಅವರು ಗಿಚ್ಚಿ ಗಿಲಿಗಿಲಿ ಶೋಗೆ ಪ್ರವೇಶ ಮಾಡಿದ್ದಾರೆ. ರೀಲ್ಸ್ನಲ್ಲಿ ಅಧಿಕ ಫಾಲೋವರ್ಸ್, ಅಭಿಮಾನಿಗಳನ್ನ ಹೊಂದಿರೋ ರೇಷ್ಮಾ ಯುನಿಕ್ ಸ್ಟೈಲ್ಗೆ ಕಾಮಿಡಿ ಶೋ ಒಲಿದು ಬಂದಿದೆ.
ಕಳೆದ ಭಾನುವಾರದ ಸಂಚಿಕೆಯಲ್ಲಿ ಪಾದಾರ್ಪಣೆ ಮಾಡಿರೋ ರೇಷ್ಮಾ ಅವರು ಮುಂದಿನ ವಾರದಿಂದ ಗಿಚ್ಚಿ ಗಿಲಿಗಿಲಿ ಸೀಸನ್ 3ರ ಅಧಿಕೃತ ಸ್ಪರ್ಧಿ ಆಗಲಿದ್ದಾರೆ. ಇಷ್ಟು ದಿನ ರೀಲ್ಸ್ನಲ್ಲಿ ರಂಜಿಸುತ್ತಿದ್ದ ರೇಷ್ಮಾ ಅವರು ಇನ್ಮುಂದೆ ಕಾಮಿಡಿ ಸ್ಕಿಟ್ಗಳ ಮೂಲಕ ಟಿವಿ ಪರದೆ ಮೇಲೆ ಕಾಣಿಸಿಕೊಳ್ಳಲ್ಲಿದ್ದಾರೆ.