Saturday, June 22, 2024

ಹೈ-ಫೈ ಕಾರ್​ನಲ್ಲಿ ಬಂದು ಎಳನೀರು ಕಳ್ಳತನ; ಕಳವುಗೈದು ಕಡಿಮೆ ಬೆಲೆಗೆ ಮಾರಾಟ ಮಾಡುತ್ತಿದ್ದಾತ ಅರೆಸ್ಟ್

ಕಳ್ಳರು ಬೆಲೆ ಬಾಳುವ ವಸ್ತುಗಳನ್ನು ಕದ್ದು ಶೋಕಿ ಮಾಡುತ್ತಾರೆ. ಆದರೆ ಇಲ್ಲೊಬ್ಬ ಕಳ್ಳನ ಕದಿಯುವ ಸ್ಟೈಲ್ ಬೇರೆಯೇ. ಈ ಕಳ್ಳ ಹೈ-ಫೈ ಕಾರ್​ನಲ್ಲಿ ಡಿಸೇಂಟ್ ಅಗಿ ಬಂದು ಎಳನೀರು ಕದ್ದು ಎಸ್ಕೇಪ್​ ಆಗುತ್ತಿದ್ದ. ಆದರೆ ಆನೆ ಕದ್ದರು ಕಳ್ಳ ಅಡಿಕೆ ಕದ್ದರು ಕಳ್ಳನೆ. ಈಗ ಈ ಸೀಯಾಳ ಕಳ್ಳ ಪೊಲೀಸರ ಅತಿಥಿಯಾಗಿದ್ದಾನೆ.

ಮೋಹನ್ ಕಾರಿನಲ್ಲಿ ಬಂದು ಎಳೆನೀರು ಕದಿಯುತ್ತಿದ್ದ ಕಳ್ಳ. ಗಿರಿನಗರ, ಹನುಮಂತ ನಗರ ಠಾಣೆ ವ್ಯಾಪ್ತಿಯಲ್ಲಿ ಈತ ಕಳ್ಳತನ ಮಾಡುತ್ತಿದ್ದ. ಕದ್ದ ಎಳೆನೀರನ್ನು‌ ಅದೇ ಏರಿಯಾದಲ್ಲಿ‌ ಕಡಿಮೆ ಬೆಲೆಗೆ ಮಾರಾಟ ಮಾಡುತಿದ್ದ. ಸದ್ಯ ಮೋಹನ್​ನನ್ನು ಗಿರಿನಗರ ಬಂಧಿಸಿದ್ದಾರೆ.

ಮೋಹನ್​ ಜೀವನೋಪಾಯಕ್ಕಾಗಿ ಬೆಂಗಳೂರಿಗೆ ಬಂದಿದ್ದ ಆರೋಪಿ. ಮೋಹನ್​ ಕಳ್ಳತನವನ್ನೇ ಕಾಯಕ ಮಾಡಿಕೊಂಡಿದ್ದ. ಗಿರಿನಗರದ ಮಂಕುತಿಮ್ಮ‌ ಪಾರ್ಕ್ ಬಳಿ ವ್ಯಾಗನರ್ ಕಾರ್​​ನಲ್ಲಿ ಬಂದು ಎಳೆನೀರು‌ ಕದ್ದು ಪರಾರಿಯಾಗಿದ್ದನು.

ಮೋಹನ್ ಪ್ರತಿ ದಿನ ಸಿಕ್ಕ ಸಿಕ್ಕ ಕಡೆ ಎಳೆನೀರು‌ ಕದಿಯುತಿದ್ದನು. ಸದ್ಯ ಆರೋಪಿ‌ ಮೋಹನ್​ನನ್ನು ಬಂಧಿಸಲಾಗಿದೆ. ಆತನ ಬಳಿಯಿಂದ 8.5 ಲಕ್ಷ ಬೆಲೆ‌ ಬಾಳುವ ಒಂದು ವ್ಯಾಗನರ್ ಕಾರ್, ಬುಲೆಟ್ ಬೈಕ್‌ ಹಾಗೂ 90 ಎಳೆನೀರು‌ ವಶಕ್ಕೆ ಪಡೆಯಲಾಗಿದೆ.

Related Articles

Latest Articles