Tuesday, June 25, 2024

ಉಡುಪಿ: ಕಾರ್ಮಿಕನ ಮೈಮೇಲೆ ಬಂದ ದೆವ್ವ..! ಅಸಲಿಗೆ ಆಗಿದ್ದೇನು.?

ಉಡುಪಿ: ಕಾರ್ಮಿಕನ ಮೈಮೇಲೆ ಪ್ರೇತ ಬಂದು ಸಹೋದ್ಯೋಗಿಗಳ ಮೇಲೆ ದಾಳಿ ಮಾಡಿದೆ ಎನ್ನಲಾದ ಘಟನೆ ಉದ್ಯಾವರದ ಪಿತ್ರೋಡಿಯಲ್ಲಿ ನಡೆದಿದೆ.

ಬಿಹಾರ ಮೂಲದ ಕಾರ್ಮಿಕರು ಮೀನು ಕಟ್ಟಿಂಗ್ ಶೆಡ್​ನಲ್ಲಿ ಕೆಲಸ ಮಾಡುತ್ತಿದ್ದರು. ತಡರಾತ್ರಿ 11 ಗಂಟೆ ಸುಮಾರಿಗೆ ಕಾರ್ಮಿಕನ ಮೈಮೇಲೆ ಏಕಾಏಕಿ ಪ್ರೇತಾತ್ಮದ ಆವೇಶ ಆಗಿದೆಯಂತೆ. ಪ್ರೇತಾತ್ಮ ಆವೇಶವಾಗುತ್ತಿದ್ದಂತೆ ಆತ ಎಲ್ಲರನ್ನೂ ಮನಬಂದಂತೆ ಥಳಿಸಿದ್ದಾನೆ. ಇದನ್ನು ನೋಡಿದ ಕಾರ್ಮಿಕರೆಲ್ಲರೂ ಆತಂಕಕ್ಕೆ ಒಳಗಾಗಿ ಎದ್ದುಬಿದ್ದು ಓಡಿ ಹೋಗಿದ್ದಾರೆ. ಈ ದೃಶ್ಯ ಸಿಸಿಟಿವಿ ಕ್ಯಾಮೆರಾದಲ್ಲಿ ಸೆರೆಯಾಗಿದೆ.

ಡ್ರಾಮ ಮಾಡಿದ ಯುವಕರು..!
ಅಸ್ಸಾಂ ಮೂಲದ 8 ಕಾರ್ಮಿಕರು ಮೀನು ಕಟ್ಟಿಂಗ್​ ಶೆಡ್​ನಲ್ಲಿ ಕೆಲಸ ಮಾಡುತ್ತಿದ್ದರು. ತಮ್ಮ ಊರಿಗೆ ಹೋಗಬೇಕು ಎಂದು ಮಾಲೀಕರಿಗೆ ರಜೆ ಕೇಳಿದ್ದಾರೆ. ಆಗ ರಜೆಗೆ ನಿರಾಕರಿಸಿದ್ದಕ್ಕೆ ಮೈಮೇಲೆ ದೆವ್ವ ಬಂದ ಹಾಗೇ ಡ್ರಾಮ ಮಾಡಿದ್ದಾರೆ ಎನ್ನಲಾಗಿದೆ. ಫ್ಯಾಕ್ಟರಿಯಲ್ಲಿರುವ ಇತರೆ ಕಾರ್ಮಿಕರಿಂದ ಈ ನಾಟಕದ ವಿಚಾರ ಬೆಳಕಿಗೆ ಬಂದಿದೆ. 8 ಕಾರ್ಮಿಕರು ಸೇರಿ ಮಾಡಿದ ಡ್ರಾಮ ಇದಾಗಿದೆ.

ಈ ಘಟನೆ ಕುರಿತಂತೆ ಮಾತಾಡಿದ ಎಸ್​ಎಸ್​ಫಿಶ್ ಕಟ್ಟಿಂಗ್​​ನ ಹಿರಿಯ ಕಾರ್ಮಿಕ ಇಸ್ರಫಿಲ್ ಮುಲ್ಲಾ, ನಾನು ಇಲ್ಲಿ ಕಳೆದ ನಾಲ್ಕು ವರ್ಷದಿಂದ ಕೆಲಸ ಮಾಡುತ್ತಿದ್ದೇನೆ. ದೆವ್ವ ಪಿಶಾಚಿ ಯಾವುದು ನನ್ನ ಅನುಭವಕ್ಕೆ ಬಂದಿಲ್ಲ. ಕಂಪನಿ ಬಿಟ್ಟು ಹೋಗಲು ಅವರು ಈ ನಾಟಕ ಮಾಡಿದ್ದಾರೆ. ಎರಡು ದಿನದ ಹಿಂದಿನ ಸಿಸಿಟಿವಿ ದೃಶ್ಯಾವಳಿ ಸಿಕ್ಕಿದೆ. ಈ ಘಟನೆ ಆದ ದಿನ ನಾನು ಸೈಟ್​ನಲ್ಲಿಯೇ ಇದ್ದೆ. ನನ್ನ ಕಣ್ಣ ಮುಂದೆಯೇ ಅವರು ಕಿರುಚಾಡಿ ಓಡಿ ಹೋಗಿದ್ದಾರೆ. ಆ ಹುಡುಗರಿಗೆ ಇಲ್ಲಿ ಕೆಲಸ ಮಾಡಲು ಮನಸ್ಸಿರಲಿಲ್ಲ. ದೆವ್ವ ಎಂದು ಕಥೆ ಕಟ್ಟಿ ಕಂಪನಿ ಬಿಟ್ಟು ಹೋಗುವ ಪ್ಲಾನ್ ಮಾಡಿದ್ದಾರೆ ಎಂದಿದ್ದಾರೆ.

Related Articles

Latest Articles