Friday, July 19, 2024

ಅವಕಾಶ ಸಿಕ್ಕರೆ ನಾನು ಧಾರ್ಮಿಕ ಚಲನಚಿತ್ರಗಳಲ್ಲಿ ನಟಿಸುತ್ತೇನೆ: ನಟಿ ಸನ್ನಿ ಲಿಯೋನ್

ವಾರಣಾಸಿ: ಅವಕಾಶ ಸಿಕ್ಕರೆ ಧಾರ್ಮಿಕ ಚಲನಚಿತ್ರಗಳಲ್ಲಿ ಕೆಲಸ ಮಾಡುತ್ತೇನೆ, ಆದರೆ ಅಂತಹ ಚಿತ್ರಗಳನ್ನು ತುಂಬಾ ಯೋಚಿಸಿ ಮಾಡಬೇಕು ಎಂದು ನಟಿ ಸನ್ನಿ ಲಿಯೋನ್ ಹೇಳಿದ್ದಾರೆ. ಪ್ರಸ್ತುತ ಅಭಿಷೇಕ್ ಸಿಂಗ್ (ಐಎಎಸ್) ಅವರ ‘ಥರ್ಡ್ ಪಾರ್ಟಿ’ ಮ್ಯೂಸಿಕ್ ಆಲ್ಬಂ ಪ್ರಚಾರಕ್ಕಾಗಿ ವಾರಣಾಸಿ ತಲುಪಿದ ಸನ್ನಿ ಲಿಯೋನ್ ಜಗತ್‌ಗಂಜ್‌ನ ಹೋಟೆಲ್ ಕಾಮೇಶ್ ಹಟ್‌ನಲ್ಲಿ ಮಾಧ್ಯಮಗಳೊಂದಿಗೆ ಮಾತನಾಡಿದರು.

ಪ್ರತಿಯೊಂದು ಕೆಲಸಕ್ಕೂ ಉತ್ಸಾಹ ಇರಬೇಕು ಹೃದಯದಿಂದ ಮಾಡುವ ಪ್ರತಿಯೊಂದು ಕೆಲಸವೂ ಒಳ್ಳೆಯದಾಗಿರುತ್ತದೆ ಎಂದರು.

ಕಾಶಿ ಪ್ರವಾಸದ ಬಗ್ಗೆ ಉತ್ಸುಕರಾಗಿದ್ದ ಸನ್ನಿ
ಕಾಶಿ ಪ್ರವಾಸದ ಬಗ್ಗೆ ಸನ್ನಿ ತುಂಬಾ ಉತ್ಸುಕರಾಗಿದ್ದರು. ‘ಗಂಗಾದಲ್ಲಿ ದೋಣಿ ವಿಹಾರದ ಜೊತೆಗೆ ಚಹಾ ಕುಡಿದೆ, ಬನಾರಸಿ ಪಾನ್ ತಿಂದೆನು’ ಎಂದು ಹೇಳಿದರು. ಜೊತೆಗೆ ಕ್ರಿಕೆಟ್‌ ಮೇಲಿನ ಅಭಿಮಾನವನ್ನೂ ವ್ಯಕ್ತಪಡಿಸಿ, ಭಾರತದ ಗೆಲುವಿಗೆ ಶುಭಾಶಯಗಳನ್ನು ತಿಳಿಸಿದರು. ಆಲ್ಬಂ ಬಗ್ಗೆ ಮಾತನಾಡಿದ ಸನ್ನಿ, ಅಭಿಷೇಕ್ ಸಿಂಗ್ ಚಿತ್ರವನ್ನು ಯುವ ಪೀಳಿಗೆಯನ್ನು ಗಮನದಲ್ಲಿಟ್ಟುಕೊಂಡು ಹಾಡುಗಳನ್ನು ಚಿತ್ರೀಕರಿಸಿದ್ದಾರೆ. ಅವರೇ ಬರೆದು, ಸಂಗೀತ ಸಂಯೋಜನೆ ಮಾಡಿ ರಂಜನೀಯ ಹಾಡುಗಳನ್ನು ಹಾಡಿದ್ದಾರೆ ಎಂದರು.

ವಾರಣಾಸಿಯಲ್ಲಿ ಗಂಗಾ ಆರತಿ ಸಂದರ್ಭದಲ್ಲಿ ಸನ್ನಿ ಸಾಂಪ್ರದಾಯಿಕ ಗುಲಾಬಿ ಬಣ್ಣದ ಕುರ್ತಾ ಧರಿಸಿ ಕುತ್ತಿಗೆಗೆ ಹಾರವನ್ನು ಹಾಕಿಕೊಂಡಿದ್ದರು. ಅವರ ಜೊತೆ ಮಾಜಿ ಐಎಎಸ್ ಅಧಿಕಾರಿ ಹಾಗೂ ನಟ ಅಭಿಷೇಕ್ ಸಿಂಗ್ ಕೂಡ ಇದ್ದರು.

Related Articles

Latest Articles