ಗಂಡನ ಮೇಲೆ ಮೆಟ್ಟಿಗೊಂಡ ಬ್ರಹ್ಮರಾಕ್ಷಸ‌..! ಹೆಂಡತಿ ಬೆತ್ತಲೆಯಾಗುವಂತೆ ಒತ್ತಾಯಿಸಿದ ಗಂಡ, ಮಂತ್ರವಾದಿಯ ಬಂಧನ

ಗಂಡನ ಮೇಲೆ ಬ್ರಹ್ಮರಾಕ್ಷಸ‌ ಮೆಟ್ಟಿಕೊಂಡಿದೆ ಎಂದು ಹೇಳಿ ಹೆಂಡತಿಗೆ ಬಲವಂತವಾಗಿ ವಿಚಿತ್ರವಾಗಿ ಪೂಜೆ ಮಾಡುವಂತೆ ಒತ್ತಾಯಿಸಿದ ಘಟನೆ ನಡೆದಿದೆ‌. ಕೇರಳದ ಕೋಝಿಕ್ಕೋಡ್‌ನಲ್ಲಿ ಮಹಿಳೆಯನ್ನು ನಗ್ನ ಆಚರಣೆಯಲ್ಲಿ ಭಾಗವಹಿಸುವಂತೆ ಒತ್ತಾಯಿಸಿದ ಆರೋಪದ ಮೇಲೆ ಇಬ್ಬರನ್ನು ಬಂಧಿಸಲಾಗಿದೆ.

ಕುಟುಂಬದ ಹಿತದೃಷ್ಟಿಯಿಂದ ಪತ್ನಿಗೆ ನಗ್ನ ಆಚರಣೆ ಮಾಡುವಂತೆ ಒತ್ತಾಯಿಸಿದ 34 ವರ್ಷದ ವ್ಯಕ್ತಿ ಹಾಗೂ 46 ವರ್ಷದ ಮಂತ್ರವಾದಿಯನ್ನು ತಾಮರಶ್ಶೇರಿ ಪೊಲೀಸರು ಬಂಧಿಸಿದ್ದಾರೆ.

ಮಹಿಳೆ ಸಲ್ಲಿಸಿದ್ದ ದೂರಿನ ಮೇಲೆ ಮಹಿಳೆಯ ಪತಿ ವಿ.ಶಮೀರ್ ಮತ್ತು ಆತನ ಸ್ನೇಹಿತ ಪಿ.ಕೆ.ಪ್ರಕಾಶನ್ನು ಬುಧವಾರ ಬಂಧಿಸಿ ನ್ಯಾಯಾಂಗ ಬಂಧನಕ್ಕೆ ಒಪ್ಪಿಸಲಾಗಿದೆ.

ಗಂಡನ ಮೇಲೆ ಬ್ರಹ್ಮರಾಕ್ಷಸ ಇದೆ. ಇದರಿಂದಾಗಿಯೇ ಕೌಟುಂಬಿಕ ಕಲಹ ನಡೆಯುತ್ತಿದೆ. ಹೀಗಾಗಿ ಪೂಜೆ ಮಾಡಬೇಕು. ಹೆಂಡತಿ ಪೂಜೆ ಮಾಡುವಾಗ ನಗ್ನ ಆಗಬೇಕೆಂದು ಹೇಳಿದ್ದಾರೆ. ಈ ವೇಳೆ ಇದಕ್ಕೆ ಒಪ್ಪದೇ ಇದ್ದಾಗ ಪತಿ ತನಗೆ ಹಲವು ಬಾರಿ ದೈಹಿಕ ಹಿಂಸೆ ನೀಡಿದ್ದಾರೆ ಎಂದು ಹೆಂಡತಿ ಆರೋಪಿಸಿದ್ದಾರೆ.

ತನ್ನ ಗಂಡನ ದೇಹದಲ್ಲಿ ದುಷ್ಟಶಕ್ತಿ ನೆಲೆಸಿದ್ದು ಅವರ ದಾಂಪತ್ಯದಲ್ಲಿ ಸಮಸ್ಯೆ ಉಂಟಾಗುತ್ತಿದೆ ಮತ್ತು ತನ್ನ ಮೇಲೆ ನಗ್ನ ಆಚರಣೆಯನ್ನು ನಡೆಸಿದರೆ ಎಲ್ಲಾ ಸಮಸ್ಯೆಗಳು ಬಗೆಹರಿಯುತ್ತವೆ ಎಂದು ಪ್ರಕಾಶ್ ಹೇಳಿದ್ದರು ಎಂದು ಆರೋಪಿಸಿದ್ದಾರೆ.

ಸದ್ಯ ಪೊಲೀಸರು ಗಂಡ ಹಾಗೂ ಮಂತ್ರವಾದಿಯನ್ನು ಬಂಧಿಸಿದ್ದಾರೆ. ಕೋಝಿಕ್ಕೋಡ್ ಗ್ರಾಮಾಂತರ ಪೊಲೀಸ್ ಅಧೀಕ್ಷಕ ಪಿ. ನಿಧಿನ್‌ರಾಜ್ ಅವರು ಭಾರತೀಯ ದಂಡ ಸಂಹಿತೆ (IPC) ಮತ್ತು ಭಾರತೀಯ ನ್ಯಾಯ ಸಂಹಿತಾ (BNS) ಎರಡರ ಅಪರಾಧಗಳನ್ನು ಏಪ್ರಿಲ್ 2024 ರಿಂದ ಆಪಾದಿತ ಘಟನೆಗಳು ನಡೆದಿರುವುದರಿಂದ ಅವರ ವಿರುದ್ಧ ಸೆಕ್ಷನ್ 354 ರ ಅಡಿಯಲ್ಲಿ ಆರೋಪ ಹೊರಿಸಲಾಗಿದೆ. A (ಲೈಂಗಿಕ ಕಿರುಕುಳ) 354 D (ಹಿಂಬಾಲಿಸುವಿಕೆ), ಮತ್ತು 109 (ಪ್ರಚೋದನೆಗಾಗಿ ಶಿಕ್ಷೆ) ಹಾಗೆಯೇ BNS ನ ವಿಭಾಗಗಳು 75 (ಲೈಂಗಿಕ ಕಿರುಕುಳ), 78 (ಹಿಂಬಾಲಿಸುವಿಕೆ) ಮತ್ತು 49 (ಪ್ರಚೋದನೆಯ ಮೂಲಕ ಅಪರಾಧ ಚಟುವಟಿಕೆಗಳು) ಅಡಿಯಲ್ಲಿ ಪ್ರಕರಣ ದಾಖಲಾಗಿದೆ.