Wednesday, February 19, 2025

ಯೂಟ್ಯೂಬ್​ಗೆ ಪೈಪೋಟಿ ನೀಡಲು ಸಿದ್ಧವಾಗುತ್ತಿದೆ ಎಕ್ಸ್​ ಟಿವಿ ಆ್ಯಪ್​ – ಎಲಾನ್ ಮಸ್ಕ್ ಕಣ್ಣು ಯೂಟ್ಯೂಬ್ ಮೇಲೆ

ಟೆಸ್ಲಾ ಒಡೆತನದ ಎಲಾನ್​ ಮಸ್ಕ್​ ಯೂಟ್ಯೂಬ್​ಗೆ ಟಕ್ಕರ್​ ಕೊಡಲು ತಯಾರಿ ನಡೆಸಿದೆ. ಅದಕ್ಕಾಗಿ ಎಕ್ಸ್​ ಟಿವಿ ಆ್ಯಪ್​ ಅನ್ನು ಪ್ರಾರಂಭಿಸಲು ಮುಂದಾಗಿದೆ. ಶೀಘ್ರದಲ್ಲೇ ನೂತನ ಆ್ಯಪ್​ ಅನ್ನು ಸಿದ್ಧಪಡಿಸಿ ಬಿಡುಗಡೆ ಮಾಡಲಿದೆ.

ಅಮೆರಿಕಾದ ಮಾಧ್ಯಮ ಕಾರ್ಯನಿರ್ವಾಹಕಿ ಮತ್ತು ಸಿಇಒ ಲಿಂಡಾ ಯಾಕರಿನೋ ಈ ಬಗ್ಗೆ ಮೈಕ್ರೋ ಬ್ಲಾಗಿಂಗ್​ ಸೈಟ್​​ನಲ್ಲಿ ಮಾಹಿತಿ ಹಂಚಿಕೊಂಡಿದ್ದಾರೆ. ಶೀಘ್ರದಲ್ಲೇ ವಿಡಿಯೋ ಸ್ಟ್ರೀಮಿಂಗ್​ ಆ್ಯಪ್​ ಅನ್ನು ಪ್ರಾರಂಭಿಸಲಾಗುವುದು ಎಂದು ಖಚಿತಪಡಿಸಿದ್ದಾರೆ.

‘‘ಶೀಘ್ರದಲ್ಲೇ ನಾವು ಎಕ್ಸ್​ ಟಿವಿ ಅಪ್ಲಿಕೇಶನ್​​ನೊಂದಿಗೆ ನಿಮ್ಮ ಸ್ಮಾರ್ಟ್​ಟಿವಿಗಳಿಗೆ ನೈಜ ವಿಷಯಗಳನ್ನು ತರುತ್ತೇವೆ. ದೊಡ್ಡ ಪರದೆಯ ಮೇಲೆ ಉತ್ತಮ ಗುಣಮಟ್ಟದ, ಮನರಂಜನೆಯನ್ನು ನೀಡಲಿದೆ’’ ಎಂದು ಬರೆದುಕೊಂಡಿದ್ದಾರೆ.

ಅಂದಹಾಗೆಯೇ ನೂತನ ಆ್ಯಪ್​ ನೆಚ್ಚಿನ ವಿಡಿಯೋಗಳನ್ನು ಸ್ಮಾರ್ಟ್​ಫೋನ್​ನಿಂದ ಟಿವಿ ಪರದೆಗೆ ಎಕ್ಸ್​ ಮುಖಾಂತರ ಬಿತ್ತರಿಸಲು ಸಾಧ್ಯವಾಗುತ್ತದೆ ಎಂದು ಯಾಕರಿನೊ ತಿಳಿಸಿದ್ದಾರೆ. ನೂತನ ಆ್ಯಪ್​​ ಶೀಘ್ರದಲ್ಲೇ ಹೆಚ್ಚಿನ ಸ್ಮಾರ್ಟ್​ ಟಿಬಿಗಳಲ್ಲಿ ಲಭ್ಯವಿರಲಿದೆ ಎಂದಿದ್ದಾರೆ.

ಸದ್ಯ ಹರಿದಾಡುತ್ತಿರುವ ಮಾಹಿತಿ ಪ್ರಕಾರ ಎಲಾನ್​ ಮಸ್ಕ್​ ಗೂಗಲ್​​ ಒಡೆತನದ ವಿಡಿಯೋ ಸ್ಟ್ರೀಮಿಂಗ್​ ಆ್ಯಪ್​​​ ಯೂಟ್ಯೂಬ್​ಗೆ ಪೈಪೋಟಿ ನೀಡುವ ಸಲುವಾಗಿ ಯೋಚಿಸುತ್ತಿದ್ದಾರೆ ಎಂದು ಹೇಳಲಾಗುತ್ತಿದೆ. ಇದರಲ್ಲಿ ಪಾವತಿಸಿದ ಬಳಕೆದಾರರಿಗೆ ಧೀರ್ಘವಾದ ಮತ್ತು ರೆಸಲ್ಯೂಶನ್​ ವಿಡಿಯೋ ಅಪ್​ಲೋಡ್​ ಮಾಡಲು ಅನುಮತಿಸುತ್ತದೆ ಎಂದು ಹೇಳಲಾಗುತ್ತಿದೆ

Related Articles

Latest Articles