ಹೊಸ ಆರ್ಥಿಕ ವರ್ಷದಿಂದಲೇ ಎಟಿಎಂ ಬಳಕೆ ಶುಲ್ಕವು ಏರಿಕೆಯಾಗಿದೆ. ಮೇ 1ರಿಂದ ಎಟಿಎಂ ಚಾರ್ಜ್‌ ಅಧಿಕವಾಗಲಿದೆ. ಭಾರತೀಯ ರಿಸರ್ವ್ ಬ್ಯಾಂಕ್‌ನ ಆದೇಶದ ಅನ್ವಯ ಬ್ಯಾಂಕ್‌ಗಳು ಶುಲ್ಕ ಹೆಚ್ಚಳ ಮಾಡಿವೆ.
ಮಾಸಿಕ ಉಚಿತ ವಹಿವಾಟು ಮಿತಿ ಮೀರಿದರೆ ಪ್ರತಿ ವಹಿವಾಟಿಗೆ ಗ್ರಾಹಕರು ₹2 ಹೆಚ್ಚುವರಿ ಶುಲ್ಕ ಭರಿಸಬೇಕಿದೆ. ಪ್ರಸ್ತುತ ಪ್ರತಿ ವಹಿವಾಟಿಗೆ ₹21 ಶುಲ್ಕ ವಿಧಿಸಲಾಗುತ್ತಿದೆ. ಇದನ್ನು ಗರಿಷ್ಠ ₹23ಕ್ಕೆ ಏರಿಕೆ ಮಾಡಲಾಗಿದೆ. ಆ ಮೂಲಕ ಆರ್‌ಬಿಐ ಪರಿಷ್ಕೃತ ಶುಲ್ಕವನ್ನು ಪ್ರಕಟ ಮಾಡಿದೆ.
ಗ್ರಾಹಕರು ತಮ್ಮ ಖಾತೆ ಇರುವ ಬ್ಯಾಂಕ್‌ನ ಎಟಿಎಂಗಳಿಂದ ಪ್ರತಿ ತಿಂಗಳು ಉಚಿತವಾಗಿ 5 ವಹಿವಾಟು (ಹಣಕಾಸು ಹಣಕಾಸುಯೇತರ) ನಡೆಸಲು ಅವಕಾಶವಿದೆ. ಇತರೆ ಬ್ಯಾಂಕ್‌ನ ಎಟಿಎಂಗಳಲ್ಲಾದರೆ ಮಹಾನಗರಗಳ ವ್ಯಾಪ್ತಿಯಲ್ಲಿ ಮೂರು ಮತ್ತು ಇತರೆ ಪ್ರದೇಶಗಳಲ್ಲಿ 5 ವಹಿವಾಟುಗಳನ್ನು ಉಚಿತವಾಗಿ ನಡೆಸಬಹುದಾಗಿದೆ.
ಆ ಮೂಲಕ ಮೇ ಒಂದರಿಂದ ಗರಿಷ್ಠ ₹23ಕ್ಕೆ ಏರಿಕೆ ಮಾಡಲಾಗಿದೆ.